29 სექტემბერს, საქართველოს უნივერსიტეტი უმასპინძლებს საჯარო ლექციას თემაზე: „ეფექტური პრეზენტაციის ტექნიკები“, სოციალურ მეცნიერებათა სკოლის ტრენინგ ცენტრ - „კონტაქტის“ ორგანიზებით.

ლექციაზე განხილული იქნება შემდეგი საკითხები:

• პრეზენტაციის ძირითადი ეტაპები - რეფერატის მომზადება, მიზნის განსაზღვრა;
• ინფორმაციის მოპოვება აუდიტორიაზე, თემის შინაარსი, სტრუქტურის შერჩევა, მასალების მომზადება, პრეზენტაციის გეგმის მომზადება;
• პრეზენტაცისს გარემოს ორგანიზება;
• პრეზენტირების პროცესი - წადგენა, ნდობის მოპოვება, ყურადღების კონცენტრირება, ძირითად თემაზე გადასვლა, რეგლამენტი და პრეზენტაციის წესები, აუდიტორიის მართვა.

საჯარო ლექციის შედეგად მონაწილეები გაეცნობიან პრეზენტაციის მომზადების, ჩატარების და გაყიდვების ახალ ტექნიკებს. ასევე, აუდიტორიის დარწმუნებისა და დაინტერესების სტრატეგიებს, გააცნობიერებენ ეფექტური პრეზენტაციისთვის საკუთარ ძლიერ და სუსტ მხარეებს რის შემდეგაც შეძლებენ უფრო ეფექტურად მართონ პრეზენტაციის პროცესი.
ლექციაზე დასწრება თავისუფალია. ლექციაზე დასასწრებლად გთხოვთ გაიაროთ რეგისტრაცია მოცემულ ლინკზე: https://goo.gl/PQaJs9

თარიღი: 29.09.2017
ადგილი: საქართველოს უნივერსიტეტი, IV კორპუსი, საკონფერენციო დარბაზი #519
დრო: 16:00 სთ